هجرتني ما حسبت حساب خسراني
وألحين توك تجي لي ضايق وتشره
من أول أشري وجودك وأنت تجفاني
وألحين جرب مذاق الهم والحسره
إن قالها الله لاعيش العمر وحداني
من دون ما أحب أحد ثاني ولا أكره
وإن قالها الله لأجدد عهد وجداني
مع الحسايف وطول الوقت والسكره
واصحصح بعمر حبن كان يحداني
على السكوت الحزين وموتة النبره
وأقول ماهوب أنا أول واحدن كاني
كانوا وكنا وياما حب في قبره
لقيت وجه الصحيح يخون بلساني
وراعي الخطأ ماعرف قلبي ولا قدره
لذا أنا جيت أوضح لك على شاني
مافيه شيءٍ بقى نحتاجه لبكره
الوقت كفى بحقي وأنت برهاني
والحب ذكرى قديمه جيت مختصره
إن ما قويت الهجر مره ونسياني
حاول تناسى بغيري وافهم الفكره
--------------------------------------------------------------------------------
